ydych chi'n gweithio i Gyngor Sir y Fflint?
ydych chi’n gweithio i Gyngor Sir y Fflint ar hyn o bryd ac eisiau gwneud gwahaniaeth i fywydau plant lleol?
dewch i faethu gyda ni er mwyn helpu creu dyfodol gwell i’r plant yn eich cymuned.
Fel gofalwr maeth gyda Chyngor Sir y Fflint, nid yn unig y byddwch chi’n cael effaith arwyddocaol ar fywydau plant a phobl ifanc sydd angen cartref diogel a llawn cariad, fe welwch chi effaith hefyd ar eich twf a’ch boddhad personol. Fel un o weithwyr y Cyngor, fe gewch chi lu o fuddion a fydd yn golygu y bydd maethu gyda ni yn rhoi mwy fyth o foddhad i chi.
manteision maethu gyda'r awdurdod lleol
- Cefnogaeth cyflogwr sy’n Cefnogi Maethu
- Gostyngiad o 50% yn Nhreth y Cyngor i bob un o’n gofalwyr maeth
- 5 diwrnod ychwanegol o wyliau yn benodol er dibenion gofal maeth. Golyga hyn y gallwch chi fynd i sesiynau hyfforddi, cyfarfodydd ac apwyntiadau hanfodol sy’n ymwneud a lleoliadau gofal maeth heb orfod poeni am gymryd amser i ffwrdd o’r gwaith.
- Cerdyn Blue Light gyda 15,000 o ostyngiadau, o siopau mawr cenedlaethol i fusnesau bach lleol, ar draws categorïau fel gwyliau, ceir, dyddiau allan, ffasiwn, anrhegion, yswiriant, ffonau a llawer mwy
- Aelodaeth o CADW, gyda mynediad di-ben-draw i dros 130 o fannau hanesyddol
- Aelodaeth o Rwydwaith Maethu
- Gweithiwr cefnogi penodedig, gofal estynedig 24/7, sesiynau therapi a chymorth gan ein harloeswyr maethu
dywed Caroline, gweithiwr Cyngor Sir y Fflint a gofalwr maeth…
“Manteisiwch ar y cyfle hwn gyda meddwl agored ac agwedd gadarnhaol. Peidiwch ag amau eich gallu i ddilyn gyrfa yng Nghyngor Sir y Fflint a chynnig cefnogaeth i blentyn sy’n derbyn gofal ar yr un pryd.”
I ddysgu mwy am brofiad Caroline, darllenwch ei blog yma: mae caroline yn rhannu ei phrofiad o fod yn weithiwr cyngor sir y fflint ac yn ofalwr maeth
sut i drosglwyddo atom ni
Mae trosglwyddo i ni yn haws nag y gallech feddwl. Does ond angen i chi gysylltu â’n tîm i gael sgwrs gyfeillgar, heb rwymedigaeth.
Byddwn yn siarad am pam rydych am drosglwyddo ac a allwn fodloni eich disgwyliadau maethu.
Pan fyddwch chi’n barod i drosglwyddo, byddwn ni yma i’ch cefnogi drwy gydol y broses a sicrhau bod y cyfnod trosglwyddo mor syml â phosibl.
-
cael eich canllaw trosglwyddo
lawrlwytho
dewch i sgwrsio am drosglwyddo i maethu cymru sir y fflint
Cyngor Sir y Fflint, County Offices, Chapel Street, Fflint CH6 5BD Call 01352 701965Email fostering@flintshire.gov.uk
